http://repo.lib.jfn.ac.lk/ujrr/handle/123456789/90 Fri, 23 Oct 2026 23:34:56 GMT 2026-10-23T23:34:56Z http://repo.lib.jfn.ac.lk/ujrr/handle/123456789/13188 Title: Sacred Narratives and Gender: A Comparative Study of Mary Magdalene in the Lucan Gospel and Antal in Thiruppāvai Authors: Mary Winifreeda, S. Abstract: While sacred texts convey religious history and ethics, they also provide rich material for interdisciplinary studies within public theology. This paper explores the gendered dimensions of prominent female figures through a comparative study of Mary Magdalene in the Gospel of Luke and Antal in the 9th-century CE Tamil Vaishnavite text, Thiruppavai. Utilizing qualitative textual, inter- textual, and intra-textual analysis alongside a historical-critical approach, this study investigates how both figures challenge patriarchal structures and traditional gender norms within Christian and Hindu traditions. The analysis illustrates how Antāl's intense devotional longing toward Lord Krishna and Mary Magdalene's deeply personal attachment to Jesus transcend conventional human love, transforming intimate emotion into a pathway toward mystical, divine union. Guided by the hermeneutics of gender and cultural sensitivity, the paper examines how these narratives subvert societal expectations and align personal devotion with cosmic purpose. The central hypothesis is that Mary Magdalene and Āntāl emerge as powerful personalities exemplifying spiritual authority and dignity. This carries profound relevance for Asia's multicultural and pluralistic context, where women's roles are frequently marginalized. By reshaping intimate human love into a vehicle for divine encounter, both figures offer essential frameworks for integrating gender-inclusive perspectives into contemporary Asian public theology. Ultimately, the study concludes that this comparative analysis inspires greater gender equality, mutual interfaith respect, and a robust theological foundation to resist marginalization, envisioning a more just and equitable society. Thu, 01 Jan 2026 00:00:00 GMT http://repo.lib.jfn.ac.lk/ujrr/handle/123456789/13188 2026-01-01T00:00:00Z http://repo.lib.jfn.ac.lk/ujrr/handle/123456789/13056 Title: மட்டக்களப்பு வாழைச்சேனைப் பிரதேசத்தின் சமூக நலப் பணிகளில் எமது சமூகம் என்னும் அமைப்பின் ஈடுபாடு: ஒரு சூழமைவு இறையியற் பார்வை (2020 - 2024) Authors: Dilaishikka, A.; Mary Winifreeda, S. Abstract: சமகால சமூகக் கட்டமைப்பில் தனிமனித மற்றும் கூட்டு வாழ்வியல் என்பன பன்முக சவால்கள், கட்டமைக்கப்பட்ட நெருக்கடிகள் என்பவற்றுக்குள்ளாகிவருகின்றன. குறிப்பாக, இலங்கையின் கிழக்கு மாகாணத்திற்குட்பட்ட மட்டக்களப்பு மாவட்டத்தின் வாழைச்சேனைப் பிரதேசத்தில் நிலவும் பின்தங்கிய நிலையையும் இதற்கான எடுத்துக்காட்டாகக் குறிப்பிடலாம். இப்பிரதேசத்தில் வாழும் பொதுமக்களின் நிலையற்ற வருமான வழிகள், பொருளாதார நெருக்கடிகள், சமூகப் பிரச்சினைகள் குறித்த போதிய விழிப்புணர்வின்மை, கல்வி வாய்ப்புகளின்மை, போதிய சுகாதார உட்கட்டமைப்பு வசதிகளின்மை என்பன இச்சமூகத்தை ஆழமாகப் பதித்துள்ளது. இத்தகைய பின்னணியில் குறித்த பிரச்சினைகளுக்கான தீர்வுகளை அரசு முன்னெடுக்க வேண்டும். ஆயினும் இன்று வரையும் அது முழுமையானதொரு மக்கள் மையப் பணிகளை முன்னெடுக்காமையால், சமூக நல அமைப்புகள் பல தோன்றி பல்வேறு திட்டங்களையும் முன்னெடுத்து வருகின்றன. அவ்வாறே பின்தங்கிய நிலையிலுள்ள மக்களின் தேவைகளை நேரடியாகக் கண்டறிந்து நிவர்த்தி செய்யும் நோக்கில், மட்டக்களப்பு பிராந்தியத்தில் தோற்றம் பெற்ற ஒரு முக்கிய சமூக நல அமைப்பாக 'எமது சமூகம்' என்னும் அமைப்பு அடையாளப்படுத்தப்படுகின்றது. வாழைச்சேனைப் பிரதேசத்தில் 'எமது சமூகம்' அமைப்பானது நீண்ட காலமாக சமூக நலப் பணிகளை மேற்கொண்டு வருகின்ற போதிலும், இவ்வமைப்பினால்; மேற்கொள்ளப்படுகின்ற செயற்பாடுகள் மக்கள் மத்தியில் பிரபல்யம் அடையாமல் காணப்படுகின்றமையும் சூழமைவு இறையியற் பார்வையில் 'எமது சமூகம்' அமைப்பின் பங்களிப்புகள் பற்றி உற்றுநோக்கப்படாமையும் ஆய்வுத் தேடலுக்கு வித்திட்டுள்ளது. வாழைச்சேனைப் பிரதேசத்தில் 'எமது சமூகம்' அமைப்பினால் மேற்கொள்ளப்படும் சமூக நலப் பணிகளைக் கண்டறிந்து, அதனை கிறிஸ்தவ சூழமைவு இறையியல் பார்வையுடன் ஒப்பீடு செய்து 'எமது சமூகம்' அமைப்பினால் முன்னெடுக்கப்படும் செயற்திட்டங்களை மேம்படுத்துவதற்கான பரிந்துரைகளை முன்வைப்பதே இவ் ஆய்வின் பிரதாக நோக்கமாகும். 'எமது சமூகம்' அமைப்பின் இணைப்பாளர் அவர்களிடம் நேரடியான நேர்காணல் மூலம் பெறப்பட்ட தரவுகளையும், அமைப்பின் ஆண்டறிக்கை மூலம் பெறப்பட்ட தரவுகளையும் அடிப்படையாகக் கொண்டு உய்த்துணர் முறை மூலம் கிறிஸ்தவ சூழமைவு இறையியல் பார்வையில் விடயம் ஆராயப்பட்டு, பகுப்பாய்வுக்கு உட்படுத்தப்பட்டுள்ளது. மேலும் மக்களை மேம்படுத்துவதில் 'எமது சமூகம்' அமைப்பின் பங்களிப்புகளை கிறிஸ்தவ சூழமைவு இறையியல் கோட்பாடுகளுடன் ஒப்பீடு செய்து, விடயங்கள் தொகுக்கப்பட்டுள்ள. இதன்படி ஆய்வில் கிறிஸ்தவ சூழமைவு இறையியல் கோட்பாடுகள், மக்கள் சார்ந்த பிரச்சினைகள், 'எமது சமூகம்' அமைப்பு கல்வி, சுகாதாரம், வாழ்வாதாரம், கலாசாரம் போன்ற நான்கு துறைகளில் மேற்கொள்ளும் செயற்பாடுகளை ஆய்வு எடுத்துரைப்பதுடன், குறித்த அமைப்பானது எதிர்கொள்ளும் சவால்களும் அதற்கான பரிந்துரைகளும் ஆய்வில் அடையாளப்படுத்தப்பட்டுள்ளது. ஆய்வானது வாழைச்சேனைப் பிரதேச மக்களின் வாழ்வியலில் 'எமது சமூக' அமைப்பு ஏற்படுத்திய பிரதான வளர்ச்சி நிலைகளை எடுத்துரைக்கும் ஒரு வரலாற்று ஆவணப்பதிவாகவும் அமைந்துள்ளது. Thu, 01 Jan 2026 00:00:00 GMT http://repo.lib.jfn.ac.lk/ujrr/handle/123456789/13056 2026-01-01T00:00:00Z http://repo.lib.jfn.ac.lk/ujrr/handle/123456789/13053 Title: பள்ளிமுனைக் கிராமத்தின் 'சாந்த லூசியா' நாடகப் பாரம்பரியம்: ஒரு கலை வரலாற்றுப் பார்வை Authors: Mary Helan Perera, G.; Mary Winifreeda, S. Abstract: பள்ளிமுனைக் கிராமத்தில் பாரம்பரியமாக மேடையேற்றப்பட்டு வரும் சாந்த லூசியா; நாடகம் ஈழத்துத் தமிழ்க் கத்தோலிக்கச் சமூகத்தின் சமய மற்றும் கலை மரபை ஒருங்கிணைக்கும் ஒரு தனித்துவமான நாடகக் கலை வடிவமாகும். சாந்த லூசியாவைப் பற்றிய பக்தி கத்தோலிக்கர்களிடையே பரவலாக இருந்தாலும் குறிப்பாக அவரைப் பற்றி எழுதப்பட்ட நாடக மரபின் தோற்றம், வளர்ச்சி, இலக்கிய நயம் மற்றும் சமூக புரிந்துணர்வு பற்றிய விடயங்களுக்கான ஆவணங்கள் அறியப்படாத நிலையிலுள்ளன. வாய்மொழி மரபில் உருவான முரண்பாடுகள் நாடகத்தின் வரலாற்றுத் தொடர்ச்சி மற்றும் கலைத்துவம் என்பவற்றைக் குறைவடையச் செய்து வரும் நிலையில், அதனை நிவர்த்தி செய்வதற்கான பிரதான முயற்சியாக இவ்வாய்வு அமைகின்றது. அதனடிப்படையில் ஆய்வானது சாந்த லூசியா நாடகப் பிரதியை ஆய்வுக்குட்படுத்தி, அதில் காணப்படும் சமூக மற்றும் கலைச் சிறப்புக்களை எடுத்துரைத்து, உள்ளூர் கலாசார அடையாளத்தில் இந்நாடகத்தின் மையத்தன்மையை எடுத்துரைப்பது பிரதான நோக்கமாகும். வாய்மொழிச் சான்றுகளை ஒழுங்குப்படுத்தி தெளிவான வரலாற்று புரிதலை வழங்குவதே இதன் துணை நோக்கமாகும். ஆய்வுக்கான தரவுகள் முதலாம் மற்றும் இரண்டாம் நிலை ஆதாரங்களின் முறையில் சேகரிக்கப்பட்டன. முதலாம் நிலை தரவாக நாடகத்தில் பங்கேற்ற கலைஞர்கள், அனுபவம் மிக்க பள்ளிமுனைக் கிராமத்து பெரியோர்களிடம் பெறப்பபட்ட நேர்காணல், பயிற்சி நிகழ்வுகளின் போது நேரடி அவதானிப்புகள் என்பன கள ஆய்வுகள் மூலம் இடம்பெற்றன. இரண்டாம் நிலை ஆதாரங்களாக திரு அவை செய்தித்தாள்கள், சஞ்சிகைகள், நூல்கள் போன்றவை பயன்படுத்தப்பட்டன. இவ்வாறு சேகரிக்கப்பட்ட தரவுகள் உய்த்துணர் மற்றும் வரலாற்று, கலாசார அணுகுமுறைகள் மூலம் தொகுக்கப்பட்டு பகுப்பாய்வுக்கு உட்படுத்தப்பட்டுள்ளன. ஆய்வின் மூலம் சாந்த லூசியா நாடகத்தின் தனித்துவச் சிறப்புக்கள் அடையாளம் காணப்பட்டுள்ளன. குறிப்பாக, நாடக ஆற்றுகையை பள்ளிமுனைக் கிராமத்தைச் சார்ந்த கனடிய கிறிஸ்தவர்கள் மட்டுமே நிகழ்த்துவது, பன்னிரு வயதிற்கு மேற்பட்ட பருவத்தினை அடைந்த பெண்கள் நாடகத்தில் நடிக்க அனுமதியின்மை மற்றும் நாடகத்திற்கான முழுப் பங்களிப்புக்களையும் ஆண்கள் மட்டுமே வழங்கலாம் என்ற தன்மையும் உள்ளன. அத்தோடு ஐந்து வருடங்களுக்கு ஒருமுறை கட்டாயம் நாடக ஏடு அவிழ்க்கப்பட்டு, மேடையேற்றப்படுதல் வேண்டும் என்னும் பாரம்பரியமும், பள்ளிமுனைக் கிராமத்தைப் பூர்வீகமாக கொண்ட குடியினர் மாத்திரமே சாந்த லூசியா நாடக ஏட்டினை பார்ப்பதற்கோ தொடுவதற்கோ உரிமையுடையவர்கள் என்னும் நடைமுறையும் உள்ளன. அத்தோடு நாடகத்தைப் பயிற்றுவிப்பதில் கனடிய இன றோச் குடும்பத்தின் சிறப்பான பங்களிப்பு, மற்றும் நாடகத்திற்கானதும் ஆற்றுகையாளர்களுக்குமான சட்டங்கள் என்னும் இன்னும் பல இறுக்கமான தனித்துவ அம்சங்களை ஆய்வு அடையாளம் கண்டுள்ளது. இவ்வகையில் சாந்த லூசியா நாடகமானது ஈழத்துத் தமிழ்க் கத்தோலிக்க நாடக வரலாற்றில் தனிவத்துவ சிறப்பிடத்தைக் கொண்டுள்ளது என்பதை ஆய்வு தெளிவு படுத்தியுள்ளது. ஆய்வானது சாந்த லூசியா நாடகத்தின் கதைக்களம், இலக்கிய அமைப்பு மற்றும் கலை அம்சங்களை விபரித்து அதன் தனித்துவத்தை வெளிப்படுத்துவதாக அமைகின்றது. ஈழத்து தமிழ் கத்தோலிக்கரின் கலை, இலக்கிய வரலாற்றில் தனித்துவமான சின்னமாகிய குறித்த நாடகத்தையும், அதன் பிரதியையும் குறித்த ஆய்வானது ஆவணப்படுத்துவதாக அமைகின்றது. Thu, 01 Jan 2026 00:00:00 GMT http://repo.lib.jfn.ac.lk/ujrr/handle/123456789/13053 2026-01-01T00:00:00Z http://repo.lib.jfn.ac.lk/ujrr/handle/123456789/12860 Title: கிறிஸ்தவமும் பால்நிலையினரும்: பால்புதுமையினர் (LGBTQIA+) குறித்த ஒரு சிறப்புப் பார்வை Authors: Thanusha, S.; Mary Winifreeda, S. Abstract: மனித நாகரிகத்தின் தொடக்கத்திலிருந்தே சமயம் என்பது தனிமனித ஒழுக்கம், சமூகக் கட்டமைப்பு மற்றும் விழுமியங்களைத் தீர்மானிக்கும் முதன்மைக் காரணியாகவும், மனித வாழ்வியலோடு நெருங்கிய தொடர்பு கொண்டும் திகழ்ந்துள்ளது. பால், பால்நிலை என்னும் இரு பதங்களில் 'பால்' இயற்கையானதாக அமைகிறது. ஆயினும் 'பால்நிலை' சமூகத்தால் கட்டமைக்கப்பட்ட ஒன்றாக சமூகவியலாளர்கள் கருதுகின்றனர். அந்த வகையில் பால்நிலை என்ற கட்டமைப்பிற்குள்ளே ஆண், பெண் மற்றும் பால்புதுமையினர் (LGBTQIA+) என அனைவரும் உள்ளடக்கப்படுகின்றனர். ஆய்வானது பால்நிலை என்ற பிரதான மையப்பொருளில் உள்ளடங்கும் பால்புதுமையினரை முதன்மைப்படுத்துவதாக அமையப் பெற்றுள்ளது. 'பால்புதுமையினர்' எனக் குறிக்கப்படும் பதமானது சமூகத்தில் வெவ்வேறு சூழ்நிலைகளில் வெவ்வேறு மூலச்சொற்களினால் (umbrella terms) அடையாளப்படுத்தப்படுகின்றது. ஆயினும் ஆய்வுகளையும் துறைசார் கற்கை நெறிகளையும் மேற்கொள்ளும் பொழுதும் பெரும்பாலும் பயன்படுத்தக்கூடிய சுருக்கக் குறியீட்டுச் சொல்லாக LGBTQIA+ விளங்குகிறது. ஆரம்பம் முதல் இன்று வரை ஆண், பெண் என இரு பால்நிலையினருக்கும் இடையே பல்வேறு ஏற்றத்தாழ்வுகளும், முரண்பாடுகளும், உரிமை மீறல்களும், வன்முறைகளும் காணப்படுகின்ற நிலையில், பால்புதுமையினரின் தோற்றம் சமூகத்தால் ஏற்றுக்கொள்ள முடியாத பெரும் தாக்கத்தினை ஏற்படுத்தியுள்ளது. சமூகம் மனிதனைப் பால்நிலை என்ற அடிப்படையில் பாகுபடுத்தினாலும் ஆண், பெண் ஏற்பு சமூகத்தில் ஓரளவுக்குக் காணப்படுகின்றது. ஆயினும் பால்புதுமையினர் என்ற மனித சமூகத்தைத் தற்கால சமூகம் மற்றும் சமயங்கள் என்பன ஏற்க மறுக்கின்றமைக்கான காரணம் என்னவென்பதே ஆய்விற்கான தேடலாக அமைந்தது. அதனை அடிப்படையாகக் கொண்டு பால்புதுமையினர் குறித்து கிறிஸ்தவம் கொண்டுள்ள கருத்து நிலைகளை அடையாளம் கண்டு, ஒரு வரலாற்றுப் பின்னணியில் எடுத்துரைப்பது ஆய்வின் பிரதான நோக்கமாக அமைந்துள்ளது. கிறிஸ்தவ சமயத்தில் பால்புதுமையினர் குறித்த பலவிதமான நேர் மற்றும் எதிர்மறையான சிந்தனைகள் காணப்படுகின்றன என்னும் கருதுகோள் இங்கு முன்;வைக்கப்படுகின்றது. இவ் ஆய்விற்கான தரவுகள் மூல நூலான விவிலியம், தலைப்புடன் தொடர்புடைய நூல்கள், திரு அவையின் சுற்றுமடல்கள், சஞ்சிகைகள், வரலாற்று ஆவணங்கள் மற்றும் சமகால ஆய்வுக் கட்டுரைகளில் இருந்து பெறப்படும் தரவுகள் என்பன தொகுக்கப்பட்டு, பெறப்பட்ட கருத்துக்கள் பகுப்பாய்விற்கு உட்படுத்தப்படும். மேலும் ஆரம்பக் காலங்களில் சமயங்களுடன் இணைந்த கலாசாரப் பின்புலங்களில் பால்புதுமையினருக்கு வழங்கப்பட்ட அங்கீகாரம், காலனித்துவக் காலப்பகுதியில் ஏற்பட்ட சமூக மாற்றங்களினால் எவ்வாறு ஒடுக்குமுறைக்கு உள்ளானது என்பதைச் சமகாலப் பின்னணியில் இவ்வாய்வு புலப்படுத்துகின்றது. பெரும்பான்மையான சமயங்களில் அவற்றின் அடிப்படைத் தத்துவங்கள் ஒன்றாயினும் காலப்போக்கில் உருவான சமூகக் கட்டமைப்புக்கள் மற்றும் ஆணாதிக்கப் பார்வைகள், புனித நூல்களுக்கு வழங்கிய குறுகிய விளக்கங்களே பால்புதுமையினரை விளிம்பு நிலைக்குத் தள்ளியுள்ளன. பால்நிலைப் பன்முகத்தன்மையைப் புரிந்து கொள்வதற்கு சமயங்கள் அதன் புனித நூல்களைச் சமகாலச் சமூகப் பின்னணியில் மறுவாசிப்புச் செய்தல் அவசியம். சமயத்திற்கும் பால்புதுமையினருக்கும் இடையிலான இடைவெளியைக் குறைப்பதன் மூலமே ஒருங்கிணைந்ததொரு சமுதாயத்தினை உருவாக்க முடியும் என்பதை இந்த ஆய்வானது வலியுறுத்துகின்றது. Thu, 01 Jan 2026 00:00:00 GMT http://repo.lib.jfn.ac.lk/ujrr/handle/123456789/12860 2026-01-01T00:00:00Z