http://repo.lib.jfn.ac.lk/ujrr/handle/123456789/8542 2026-04-08T10:39:09Z http://repo.lib.jfn.ac.lk/ujrr/handle/123456789/8574 Title: இலங்கையின் கிழக்குக்கரை மழை வீழ்ச்சி வலயத்தின் மழை வீழ்ச்சித் தளம்பல்கள் Authors: Puvaneswaran, M. Abstract: இலங்கையின் மழை வீழ்ச்சி வலயங்களில் வறண்ட பிரதேசத்தின் கிழக்குப் பாகத்தில் அமைந்துள்ள கரையோர மழைவலயத்தின் மழை வீழ்ச்சித் தளம்பல்கள் பற்றியதே இவ்வாய்வாகும். முதலில் இப்பிர தேசத்தின் பொதுவான வானிலை, காலநிலைத் தன்மைகள் சுருக்கமாக விளக்கப்பட்டுள்ளது. கிழக்கு மழை வீழ்ச்சி வலயத்துள் அமைந்துள்ள வானிலை அவதான நிலையங்களான திருகோணமலை, மட்டக்களப்பு ஆகிய இரண்டினதும் நீண்டகால மழை வீழ்ச்சித் தரவுகள் தெரிவு செய்யப் பட்டு, கணனியின் உதவியுடன் புள்ளியியல் பிரயோகம் செய்யப்பட்டுள் இவ்வாய்வின் முடிவுகள் மழை வீழ்ச்சித் தளம்பல்கள் பற்றி ஏற் கனவே செய்யப்பட்ட ஆய்வு முடிவுகளுடன் ஒப்பிட்டும் ஆராயப்பட்டுள்ளது. 1985-01-01T00:00:00Z http://repo.lib.jfn.ac.lk/ujrr/handle/123456789/8573 Title: முத்தையன்கட்டு இளைஞர் குடியேற்றத் திட்டம்: ஒரு விவசாயப் புவியியலாய்வு Authors: Sivachandran, R. Abstract: இலங்கையிலே இளைஞர் குடியேற்றத் திட்டங்கள் 1966ஆம் ஆண்டி லிருந்து தனியாக ஆரம்பிக்கப்படலாயின. விவசாய அமைச்சும் காணி நீர்ப்பாசன அமைச்சும் கூட்டாக இணைந்து இக்குடியேற்றத் திட்டங்களைத் தோற்றுவித்தன. இளைஞர் குடியேற்றத் திட்டங்கள் முக்கியமாக மூன்று நோக்கங்களை நிறைவேற்றுதற்பொருட்டு மேற்கொள்ளப்பட்டன. 1. நாட்டிலே பெருகி வருகின்ற படித்த வேலையற்ற இளைஞர்களுக்கு விவசாயத் துறையில் வேலைவாய்ப்பளித்தல். 2. அதிக வருமானத்தை அளிக்கவல்ல பயிர்ச்செய்கையை மேற்கொள் ளும்படி இளைஞரைத் தூண்டுதல். 3. இளம் விவசாயிகளை உள்ளடக்கிய கூட்டுறவுச் சமுதாயமொன்றினை உருவாக்குதல், 1 அதிக உற்பத்தி, உயர்ந்த வருமானம் ஆகிய இரு இலக்கையடை வதற்கு உயர்ந்த வருவாயைத் தரவல்ல பயிர்வகைகளைத் தேர்ந்து பயி ரிடுவதும் நவீன தொழில் நுட்பத்தைப் பயன்படுத்துவதும் அவசியமாகும். மிளகாய், வெங்காயம், நிலக்கடலை, மரக்கறிவகை, பழவகை போன்ற உப உணவுப்பயிர்களும் தேயிலை, கறுவா, தென்னை, புகையிலை போன்ற தோட்டப்பயிர்களும் அதிக வருமானம் அளிக்கவல்ல பணப்பயிர்களாகும். ஓரளவு இயந்திரப் பாவனை, நீர்ப்பாசனம், திருந்திய செய்முறை என்பன நவீன தொழில் நுட்பங்களாகும். அத்துடன் திட்டத்தில் இளைஞர் ஒரு சமூகமாக வாழ்ந்து, கூட்டாக நில அபிவிருத்தி செய்து, கூட்டுறவு நிறு வனங்களை உருவாக்குதல் கூட்டுறவுச் சமுதாயத்தை உருவாக்குதலாகு மெனத் திட்ட நோக்கம்பற்றி மேலும் விளக்கம் தரப்பட்டுள்ளது. மேலும் இத்திட்டங்கள் பகுதி பகுதியாகப் பல படிநிலைகளில் அபிவிருத்தி செய் யப்பட வேண்டுமெனவும் கூறப்பட்டுள்ளது. இளைஞர்கள் கூட்டாக நிலத்தைத் திருத்தி உற்பத்திக் குகந்ததாக்குவதும், பாதைகள், வாய்க் கால்கள் அமைப்பதும் அபிவிருத்தி வேலையின் முதற்பகுதியாகும். வீடுகள் அமைப்பதும், இளைஞர் குடும்பத்தினராக மாறுவதும் இரண்டாவது அபிவிருத்தியாகும். முன்றாவது பகுதியாகக் கூட்டுறவுக் கட்டிடம், சேமநல நிலையம், உரப்பசளைக் களஞ்சியம், வைத்தியசாலை போன்றவற் றுக்குக் கட்டிடங்கள் அமைத்தல் அமையும். 1985-01-01T00:00:00Z http://repo.lib.jfn.ac.lk/ujrr/handle/123456789/8572 Title: இலங்கையில் பல்கலைக் கழகக் கல்வி இன்றைய காலகட்டத்தில் முகங்கொடுக்கவேண்டிய சில பிரச்சினைகள் Authors: Suseela, A. Abstract: பல்கலைக் கழகம் என்பது, பாரம்பரிய நோக்கில், விதிக்கப்படுகின்ற பாடநெறிகளை அடிப்படையாகக் கொண்டு, அவற்றின் பயிற்சி நெறிகளைத் தழுவிய தேர்வுகளின் முடிவாக, பட்டங்களையும், சான்றிதழ்களையும் வழங்கும் நிறுவனம் என விளக்கம் பெற்றது. அறிவியல் அரங்கில் இடம் பெறும் துறைகள் அனைத்தையுமோ அன்றி அவற்றுட் குறிப்பிட்ட சில வற்றையோ தான் அளிக்கும் பாடநெறிகளுள் அடக்கும் உரிமையினை அது பெற்றிருந்தது. அங்கு கடமை புரிந்த ஆசிரியர்கள். எவரது கட்டுப் பாட்டுக்கும் உட்படாது, தத்தம் துறைகளில் தமது கருத்துக்களை எடுத் தியம்பவும், வளர்க்கவும் உரிமை உடையவர்களாகக் கருதப்பட்டார்கள். கலை பயில்வோன் தனக்கு இயைந்த கலைத்துறை இதுவெனத் தெரிந்து அத்துறையில் நிரம்பிய புலமை பெறும் இடமாகப் பல்கலைக் கழகம் இயங்கியது. இவற்றுக்கெல்லாம் அடிப்படையான அறிவியற் சுதந்திரம் பல்கலைக் கழகக் கல்வியின் சிறப்பம்சமாகக் கொள்ளப்பட்டது. 1985-01-01T00:00:00Z http://repo.lib.jfn.ac.lk/ujrr/handle/123456789/8571 Title: பிரதேச அபிவிருத்திக்கான பொருத்தமான நில வகைப்பாட்டுத் தேர்வு Authors: Rajeswaran, S.T.P. Abstract: ஒரு பிரதேசத்தின் அபிவிருத்தியின் தரத்தினை அப்பிரதேசத்தின் இயற்கை வளங்கள் எவ்வாறு பயன்படுத்தப்பட்டுக் கொண்டிருக்கின்றது என்பதனைக் கணிப்பதில் இருந்து அறிந்து கொள்ளலாம். இயற்கை வளங் களில் நில வளமும் ஒன்றாகும். குறித்த ஒரு பிரதேசத்தின் நிலவளம் அதன் உச்சப்பயனைப் பெறத்தக்க வகையில் பயன்படுத்தப்படுகின்றதா, அல்லது ஒரு குறித்த பயன்பாட்டிற்கு உட்பட்டிருக்கும் நிலம் அப்பயன்பாட்டிற்குப் பொருத்தமானதா, இப்பயன்பாட்டினைவிட வேறு சிறந்த பயன்பாட்டிற்கு அந்நிலத்தை உட்படுத்த முடியுமா, போன்ற வகையில் ஆய்வுகள் செய்யப் பட்டு நில வகைகள் பயன்படுத்தப்படல் வேண்டும். தன்னிச்சையான நிலப் பயன்பாட்டு முறை நீக்கப்பட்டு விஞ்ஞான ரீதியான முறையில் நிலப் பயன் பாட்டுத் தெரிவுகள் இடம் பெறல் வேண்டும். இச்செயன்முறை இடம் பெறுமிடத்து, பிரதேச அபிவிருத்தி மேம்பாடு உயர்நிலையில் இருக்கும். இக்கட்டுரையில் “பொருத்தமான நில (விவசாய) வகைப்பாடு' (Terrain [Land] Suitability Classification) எவ்வாறு மேற்கொள்ளப்படலாம், அதன் செயன்முறைகள் என்பன நோக்கப்படுகின்றது. பயிர் வகைகளுக் கான பௌதீக சூழல் கட்டுப்பாட்டு அம்சங்களுக்கு முக்கியத்துவம் அளிக் கப்படுகின்றது. பொருளியல், சமூக அம்சங்கள் இப்பாகுபாட்டில் சேர்த்துக் கொள்ளப்படவில்லை என்பதை முதலிலேயே குறிப்பிட விரும்புகின்றேன். நிலமும், நில வகைப்பாடும் நிலப்பொருத்த வகைப்பாட்டின் முதலாவது படிமுறை நிலத்தின் பௌதீகத் தன்மைக்கு ஏற்ப நிலத்தினை வகைப்படுத்தலாகும். பிரதேசத்தின் தரைத்தோற்றப் பண்புகள் நுட்பமானதாக ஆராயப்பட்டு 'நிலவகைகள்’ (Land types) வகைப்படுத்தல் வேண்டும். இதில் குறித்த பிரதேசத்தின் புவிச் சரிதவியல் (Geology), புவி மேற்பரப்பியல் (Geomorphology), மண் வகை (Soil types), தாவர வகை (Vegetations), வடிகால் (Drainage) என்பன முக்கியமாக ஆராயப்பட வேண்டும். ஏனெனில், பாறைகள், அதன் அமைப்பு, சாய்வுவகை, மண்வகை, வடிகால்கள் என்பன எல்லாம் வேறுபட்ட நில வகைகளை உருவாக்குவதற்குக் காரணிகளாக இருக்கின்றன. இவ்வகையில் குறித்த பிரதேசமொன்றின் 'நிலவகை'களின் பண்புகளை அறிந்து பாகுபடுத்துதல் 'நிலப்பொருத்தப் பாகுபாட்டிற்கு' மிக இன்றி யமையாதன. 1985-01-01T00:00:00Z