http://repo.lib.jfn.ac.lk/ujrr/handle/123456789/6240 2026-10-30T19:12:06Z http://repo.lib.jfn.ac.lk/ujrr/handle/123456789/13189 Title: தமிழ் இலக்கியங்களுடன் தொடர்புபட்ட காட்சிகளை சித்தரிக்கும் கோட்டு ஓவியங்களில் அறப்பண்பும் மனிதநேயமும் - ஓவியர் சில்பியின் கோட்டு ஓவியங்களை மையமாகக்கொண்ட ஓர் ஆய்வு Authors: Balamurugan, V. Abstract: பி.எம்.சீனிவாசன் (1919-1983) சில்பிஎனும் பிரபல்யமான தமிழ் ஓவியர், இவர் பேனா மற்றும் மை கோட்டு ஓவியங்களில் பெயர் பெற்றவர். கோயிற் கட்டடங்களையும் கோயிற் சிற்பங்களையும் தனக்கான தனிப் பாணியில் வரைவதில் புகழ்பெற்றவர். இதனால் சில்பி எனப் பெயர் பெற்றார். இவரது தமிழ் இலக்கியங்களுடன் தொடர்புபட்ட காட்சிகளைச் சித்தரிக்கும் கோட்டு ஓவியங்களில் ஒழுக்கம், நீதி, போன்ற அறப்பண்புகளும் கருணை, அன்பு, இரக்கம் போன்ற மனித நேயப் பண்புகளும் வெளிப்படுவதை அவதானிக்கலாம். இவர் கருப் பொருளைக் கட்டமைக்கும் விதம், ஊடகக்கையாளுகை மற்றும் இரேகைகளின் அசைவு அதனால் தோற்றுவிக்கப்படும் ஒத்திசைவு என்பவை எவ்வாறு இந்த அறப்பண்புகளையும் மனிதநேயப் பண்புகளையும் வெளிப்படுத்தி நிற்கின்றன என்பதை ஆராய்வதாக இந்த ஆய்வு அமைகின்றது. இந்த ஆய்வானது ஓவியரின் கோட்டு ஓவியங்களை ஆராய்ந்து விளக்குவதாக அமைவதால், இவ் ஆய்வானது விவரண ஆய்வின் அடிப்படையில் அமைந்து காணப்படும். இவரது கோட்டு ஓவியங்களின் பிரதிகள், நூல்கள், கட்டுரைகள் இணையத்தள தகவல்கள் என்பன ஆய்வு மூலங்களாக அமைகின்றன 2026-01-01T00:00:00Z http://repo.lib.jfn.ac.lk/ujrr/handle/123456789/9979 Title: ஈழத்தழிழரிடையே சுந்தரது காட்டூன் சித்திரங்கள். Authors: Balamurugan, V. Abstract: இலங்கையின் வடபகுதியின் முதன்மையான மாவட்டமான யாழ்ப்பாணத்தின் காட்டூன் சித்திரங்கள் சமூகப் பிரச்சினைகள், தனிமனிதப் பிரச்சினைகள், அரசியல்ப் போக்குகள் போன்றவற்றை நகைச்சுவையாக விமர்சிப்பதாகவும் கேள்விக்குள்ளாக்குவதாகவும் அமைகிறது. இது மக்களை சிந்திக்கத் தூண்டுவதாகவும் கலை என்றவகையில் அதன் அழகியல்ப் பண்பாலும் கருத்து வெளிப்பாட்டினாலும் மக்களால் ரசிக்கப்பட்டு மக்களை மகிழ்வூட்டுவதாகவும் காணப்பட்டு வருகிறது. இந்தவகையில் சிரித்திரன் சுந்தர் எனும் யாழ்ப்பாணத்துப் புகழ் பெற்ற காட்டூன் ஓவியரின் காட்டூன் சித்திரங்கள் அவற்றின் அமைப்பாலும் அவற்றின் வெளிப்பாட்டாலும் மக்கள் மத்தியில் எத்தகைய இடத்தினைப் பிடித்திருக்கின்றன என்பதை ஆராய்வதாக இவ்வாய்வு அமைகிறது. இவ்வாய்வானது வரலாற்றாய்வு மற்றும் விவரண ஆய்வினை அடிப்படையாகக் கொண்டு அமைகின்றது. 2023-01-01T00:00:00Z