http://repo.lib.jfn.ac.lk/ujrr/handle/123456789/8284 2026-04-07T14:31:35Z 2026-04-07T14:31:35Z Mukunthan, S. http://repo.lib.jfn.ac.lk/ujrr/handle/123456789/8303 2022-10-25T08:19:08Z 2016-01-01T00:00:00Z

Title: வரலாற்று நோக்கில் இந்துப் பண்பாட்டு மரபில் அறுவைச் சிகிச்சை முறைகள் Authors: Mukunthan, S. Abstract: இந்து மருத்துவவியலானது ஆயுர் வேதம், சித்தமருத்துவம் என இருபெருஞ் செல்நெறிகளினூடாக வளர்ச்சி பெற்ற அறிவுப்புலமாகும். ஆயுர்வேதமானது அதர்வவேதத்தின் கிளையாகவும் உபவேதங்களில் ஒன்றாகவும் மேற்கிளம்பி ஆத்திரேயர் மரபு, தன்வந்திரிமரபு என இரண்டு பிரதானமான சிந்தனைப் பள்ளிகளினூடாக வளர்ச்சி பெற்றது. நிலவியல் ரீதியாக இது வட இந்தியாவை மையப்படுத்தித் தோற்றம் பெற்றதாகக் திகழ்கின்றது. தென்நாட்டில் குறிப்பாகத் தமிழகத்தில் சித்தர்களால் வெளிப்படுத்தப்பட்ட மருத்துவப்பனுவல்களை மூலங்களாகக் கொண்டு சித்தவைத்திய மரபு வளர்ச்சி பெற்றது. எவ்வாறாயினும் பழந்தமிழ் இலக்கியங்களினூடாகவும் பல்லவ, சோழ அரசர்களின் சாசனச் சான்றுகளினூடாகவும் மருத்துவக்கலை பற்றி பல்வேறு தகவல்களை அறியமுடிகிறது. இந்து மருத்துவவியலின் முக்கிய கிளைப்புலமாக அறுவைச்சிகிச்சையியலைக் குறிப்பிடலாம். அறுவைச்சிகிக்சையியல் பற்றிச் சிறப்பாக அறிய உதவும் காலத்தால் முற்பட்ட பனுவலாக சுஸ்ருதசம்ஹிதை விளங்குகிறது. இது தன்வந்திரி மரபுக்குரிய ஆயுர்வேதப் பனுவலாகும். குடற் சத்திரசிச்சை, சிறுநீரகக்கல் அறுவைச்சிகிச்சை, கண்புரை அகற்றல் அறுவைச்சிகிச்சை உள்ளிட்ட சிக்கலான அறுவைச்சிகிச்சை முறைகள் பற்றியும் அவற்றுக்குத் துணை செய்யும் பல்வகைக் கருவிகள் பற்றியும் சுஸ்ருதசம்ஹிதையில் குறிப்பிடப்பட்டுள்ளது. அறுவைச்சிகிச்சைக்கென மயக்க மருந்து கொடுத்தல், அட்டை விடுதல் மற்றும் இறந்த மனித உடலத்தினைக் கொண்டு மனித உடற் கூற்றியல் பற்றிக் கற்றுணர்தல் எனப் பல்வேறு விடயங்கள் அறுவைச்சிகிச்சை தொடர்பில் இப்பனுவலில் எடுத்தாளப்பட்டுள்ளன. சித்தவைத்திய மரபில் அகத்தியர் தொன்மத்தினை அடியொற்றி அறுவைச்சிகிச்சை முறைகள் பயின்று வந்துள்ளன. மகப்பேற்றுவைச் சிகிச்சை, கண் காசத்திற்கான சத்திர சிகிச்சை, மூளையில் ஏற்படும் கட்டிகளுக்கான அறுவைச் சிகிச்சை என அறுவைச்சிகிச்சை பற்றிய கருத்தியல்கள் சித்தவைத்திய மரபில் இழையோடியுள்ளன. சத்திரசிகிச்சைக்குப் பயன்படுத்தக்கூடிய பலவகையான ஆயுதங்கள் பற்றியும் சித்த வைத்தியப் பனுவல்களில் கருத்துரைப்பட்டுள்ளது. மேலும் அறுவைச்சிகிச்சையின் பின்னர் ஏற்படக்கூடிய ஏற்புவலி முதலிய பக்கவிளைவுகள் பற்றிய விழிப்புணர்வையும் அக்கால வைத்தியர்கள் அறிந்துணர்ந்து செயற்பட்டிருந்தமையினையும் அறிய முடிகிறது.

2016-01-01T00:00:00Z Pathmanaban, S. http://repo.lib.jfn.ac.lk/ujrr/handle/123456789/8302 2022-10-25T08:11:55Z 2016-01-01T00:00:00Z

Title: தொல்காப்பியமும் பாணினீயமும் எழுத்தியல் பற்றிய ஓர் ஓப்பியல் ஆய்வு Authors: Pathmanaban, S. Abstract: இந்தியப் பண்பாட்டு மரவில் தமிழ் மொழியும் சம்ஸ்கிருதமொழியும் தனித்துவம் மிக்க செவ்வியல் மரபுகளுடன் விளங்குகின்றன. இந்நிலையில் தமிழ்மொழி தென்மொழி என்றும் அழைக்கப்படும் தனித்துவத்துடன் விளங்குகின்றன. இம்மரபில் இவ்விரு மொழிகளுக்குமான மொழியியல் அந்தஸ்தில் திராவிட மொழிக் குடும்பத்தினையும், ஆரிய மொழிக் குடும்பத்தினையும் மூலத் தன்மையாகக் கொண்டமையை உணர முடிகின்றது. இம்மரபில் இந்தோ - ஆரியமரபில் சம்ஸ்கிருதமொழியின் மரபு மேலோங்கிச் செல்வதை மொழியியற் பார்வையில் நோக்க முடிகின்றது. இவ்வகையில் தமிழ் மொழியின் முதல் இலக்கண நூல் என்பது தொல்காப்பியம், சம்ஸ்கிருத மொழியின் முதல் இலக்கண நூல் பாணினீயம் என்பதும் எழுத்தியல் நிலையில் எத்தகைய கருத்துக்களைத் தம்முட் கையாண்டுள்ளன என்பதையும், இவ்விரு இலக்கண நூல்களும் அவ்வவ் மொழிக்குரிய தனித்துவத்துடன் விளங்கும் மேன்மை உயர் நிலையின் ஓர் ஒத்தநோக்குடைய சிந்தனையாக அமைவதனை நோக்க முடிகின்றது. மொழி என்றும் நிலையில் பேசப்படும் தன்மையும், ஒலியியல் முறையிலேயே அவ்வெழுத்துக்கள் முக்கியத்துவம் பெறுவதனையும் காண முடிகின்றது.

2016-01-01T00:00:00Z Prathebaraja, N. http://repo.lib.jfn.ac.lk/ujrr/handle/123456789/8301 2022-10-25T08:08:36Z 2016-01-01T00:00:00Z

Title: வட மாகாணத்தில் நுண் காலநிலை வேறுபாடுகள் Authors: Prathebaraja, N. Abstract: இலங்கையின் ஏனைய பகுதிகளுடன் ஒப்பிடும் போது வேறான புவியியல் பண்புகளைக் கொண்ட வடமாகாணத்தின் நுண்காலநிலை வேறுபாடுகளை அறிவது எதிர்கால அபிவிருத்திச் செயற்பாடுகளுக்கு இன்றியமையாதது ஆகும். வடமாகாண நுண் காலநிலை வேறுபாட்டை அறிவதற்காக மேற்கொள்ளப்பட்ட இவ்வாய்வுக்கு வட மாகாணத்தின் வேறுபட்ட நிலையங்களில் அளவீடு செய்யப்பட்ட வெப்பநிலை மற்றும் மழைவீழ்ச்சி தரவுகளை அடிப்படையாகக் கொண்டு சராசரி நியம விலகல் மற்றும் நியமமாக்கப்பட்ட படிவு வீழ்ச்சி குறிகாட்டி முறைகளை பயன்படுத்தி பகுப்பாய்வு செய்யப்பட்ட முடிவுகள் புவியியல் தகவல் தொழிநுட்ப முறையைப் பயன்படுத்தி (தலைமுறை 10.1) பரவலாக்கல் படங்கள் பெறப்பட்டன. வடமாகாணத்தின் மேற்குப்பகுதி வெப்பநிலை சராசரியை விட 0.850 உயர்வாகவும் கிழக்குப் பகுதி வெப்பநிலை வடமாகாண சராசரியை விட 0.32 'C குறைவாக காணப்படும் அதேவேளை தென்மேல் பருவப்பெயர்ச்சிக் காற்று காலத்தில் வடமாகாணம் முழுவதும் (0.75'C வெப்பநிலை உயர்வாகக் காணப்படுகின்றது. கிழக்குப் பகுதி மழைவீழ்ச்சியானது மேற்குப்பகுதியை விட 160mm உயர்வாகக் காணப்படுகின்ற அதேவேளை வடகீழ்ப் பருவப் பெயர்ச்சிக் காற்றுக் காலத்திலும் இரண்டாவது இடைப்பருவ காலத்திலும் வடமாகாணமானது மழைவீழ்ச்சியின் 88%இனைப் பெறுகின்றது. இத்தகைய நுண்காலநிலை வேறுபாடுகள் இடம் மற்றும் காலம் சார்ந்து காணப்படுவதால் அவை அவ்வப் பிரதேச வானிலை மற்றும் காலநிலையில் வேறுபாடுகளைத் தோற்றுவிப்பதால் பிரதேச அபிவிருத்தித் திட்டமிடலில் பல சவால்களைத் தோற்றுவிக்கின்றன.

2016-01-01T00:00:00Z Uthayakumar, S. Kalaipriya, J. http://repo.lib.jfn.ac.lk/ujrr/handle/123456789/8300 2022-10-25T07:59:58Z 2016-01-01T00:00:00Z

Title: மட்டக்களப்பு மாவட்ட மீனவர்களின் சந்தைப்படுத்தல் பிரச்சினைகள் பற்றிய ஆய்வு Authors: Uthayakumar, S.; Kalaipriya, J. Abstract: மட்டக்களப்பு மாவட்டமானது 14 பிரதேச செயலக பிரிவுகளையும் 345 கிராம சேவகர் பிரிவுகளையும் கொண்டுள்ளது. மொத்த மீனவ சனத்தொகை 25726 ஆகும். இங்கு மொத்தமாக 20,726 மீனவ குடும்பங்கள் காணப்படுகின்றனர் (District Fishrs oflice - Ballicalao 2014.). இவ்வாய்விற்கான தரவுகளும் தகவல்களும் முதலாம் மற்றும் இரண்டாம் நிலைத்தரவு மூலகங்களிலிருந்து பெறப்பட்டுள்ளன. தரவுகள் பண்புசார் மற்றும் அளவுசார் முறைகளினூடாகப் பெறப்பட்டுள்ளன. சேகரிக்கப்பட்ட தரவுகள் புள்ளிவிபரவியல் முறையினைக் கொண்டு பகுப்பாய்வு செய்யப்பட்டுள்ளன. ஆய்வு முடிவுகள் தொகுத்தறி முறையினைப் பிரதானமாகவும் உய்த்தறி முறையினைத் துணையாகவும் கொண்டு பெறப்பட்டுள்ளன. மட்டக்களப்பு மாவட்ட மக்கள் விவசாயத்திற்கு அடுத்த படியாக மீன்பிடித்துறையினையே தமது வாழ்வாதாரமாகக் கொண்டுள்ளனர். இம்மீன் பிடித் துறையானது இப்பிரதேச மக்களின் பொருளாதாரத்தில் பெரும் பங்காற்றுகின்றது. அந்த வகையில் இம் மீனவர்களின் மீன்பிடி உற்பத்தியானது இம்மாவட்ட மக்களின் பொருளாதாரத்தில் பெரும் பங்காற்றுகின்றது. ஆனாலும் பெரும்பாலான மீனவர்கள் சந்தைப்படுத் தலில் ஏற்படுகின்ற பிரச்சினை காரணமாக பாரிய இழப்புகளை எதிர்கொள்கின்றனர். இவ்வாய்வின் பிரதான நோக்கமானது மட்டக்களப்பு மாவட்டத்தில் காணப்படுகின்ற மீன்பிடி உற்பத்தியாளர்கள் சந்தைப்படுத்தலில் எதிர்நோக்கும் பிரச்சினைகளைக் கண்டறிவதாகும்.

2016-01-01T00:00:00Z