http://repo.lib.jfn.ac.lk/ujrr/handle/123456789/90 2026-11-11T06:22:16Z 2026-11-11T06:22:16Z Mary Winifreeda, S. http://repo.lib.jfn.ac.lk/ujrr/handle/123456789/13203 2026-11-04T05:56:17Z 2026-01-01T00:00:00Z

யாழ்ப்பாணக் குடாநாட்டிலுள்ள கிறிஸ்தவ மையங்களும் கலாசாரச் சுற்றுலாவும்: பேண்தகுஅபிவிருத்திக்கான பொருண்மிய எதிர்நோக்கு Mary Winifreeda, S. உள்நாட்டுப் போருக்குப் பின்னரான இலங்கையின் பொருளாதார மறுசீரமைப்பில் பேண்தகு அபிவிருத்தி இலக்குகள் பற்றிச் சிந்திப்பது அவசியமானதாகும். யாழ்ப்பாணக் குடாநாட்டில் விவசாயமும் மீன்பிடியும் பொருளாதார வருவாய்க்கான வளங்களாகத் திகழ்கின்றன. ஆயினும் கலாசார மற்றும் சமயச் சுற்றுலாத்துறைகளுடன் தொடர்புடைய சேவைசார் பொருண்மிய இலக்குகளைக் கருத்திலெடுப்பதும் அவசியமானதாகின்றது. யாழ்ப்பாணத்தில் காணப்படும் வரலாற்றுச் சிறப்புமிக்கக் கிறிஸ்தவ ஆலயங்கள், அங்குள்ள பழமையான சைவ ஆலயங்;களுடன் இணைந்து, இப்பிராந்தியத்தின் தனித்துவமான தமிழ்க் கலாசார அடையாளத்தின் ஒரு பகுதியாக அமைகின்றன. இப்பின்னணியில் உள்நாட்டு மற்றும் சர்வதேச சுற்றுலாப் பயணிகள் யாழ்ப்பாணக் குடாநாட்டிலுள்ளக் கலாசாரம் மற்றும் சமய மையங்களைப் பார்வையிடுவதிலும் ஆர்வம் காட்டி வருகின்றனர். ஆயினும் யாழ்ப்பாணத்தின் பல கிறிஸ்தவ மரபுரிமைத் தலங்கள் பிரதான சுற்றுலா வரைபடத்தில் இன்னும் முழுமையாக உள்வாங்கப்படாமை, தங்குமிட வசதிகள், சுற்றுலா வழிகாட்டிகள், சுற்றுலாத்தல விபரிப்புக்கள் என்பன மிகக் குறைவாகக் காணப்படுகின்றமை சுற்றுலா உள்கட்டமைப்பின் பின்தங்கிய நிலையை அடையாளப்படுத்துகிறது. ஆய்வில் வரலாற்று முக்கியத்துவம் பெறும் மரபுரிமை சமயத் தலங்களையும், குறிப்பாக மக்கள் அதிகம் பார்வையிட விரும்பும் சமயத்தலங்களையும், வடமாகாண சுற்றுலாத்துறையில் பதிவிடப்பட்டுள்ள பிரதான சுற்றுலா மையங்களையும் அளவுகோல்களாகக் கொண்டு, மண்ணித்தலை, பாலைதீவு, சாட்டி, மணற்காடு, வெற்றிலைக்கேணி, யாழ்ப்பாணம், சில்லாலை, மாதகல், பருத்தித்துறை, செம்பியன்பற்று, கிளாலி, புல்லாவெளி ஆகிய தலத் தெரிவுகள் இடம்பெற்றுள்ளது. ஆய்வானது குறித்த இடங்களில் காணப்படும் கிறிஸ்தவ மையங்களை காலாசார சுற்றுலா மையமான பொருளாதார முயற்சி மூலம் பேண்தகு அபிவிருத்திக்கு எவ்வாறு பயன்படுத்தலாம் என்பதை முன்வைக்கிறது. இதனடிப்படையில் யாழ்ப்பாணத்தின் பிரதான கிறிஸ்தவ மையங்கள், அவற்றுக்கு அருகில் அமைந்துள்ள சைவ ஆலயங்கள், பிரபல்யமான சுற்றுலாத்தலங்கள் என்பவற்றை ஆவணப்படுத்தி, குறித்த தலங்களில் சுற்றுலாப் பயணிகளின் தேவை, உள்ளூர் சமூகங்களுக்குக் கிடைக்கும் பொருளாதார நலன்கள் என்பவற்றை மதிப்பீடு செய்து செய்யறிவு யுகத்தில் மரபுரிமை பாதுகாப்பிற்காக முன்வைக்கப்படும் பல்வேறு வழிமுறைகளையும் கலாசாரச் சுற்றுலாத் துறையில் பயன்படுத்தி, நாட்டின் பேண்தகு அபிவிருத்திக்கான பொருண்மிய முயற்சிகளைப் பரிந்துரைக்கும் நோக்குடன் ஆய்வு முன்னெடுக்கப்பட்டுள்ளது. யாழ்ப்பாணத்தில் உள்ள கிறிஸ்தவ மையங்கள் பண்பாட்டு அடையாளத்திற்கும் மக்களின் வாழ்வாதாரங்களுக்கும் நாட்டின் பேண்தகு அபிவிருத்திக்கும் பங்களிக்கின்றன என்னும் கருதுகோளை ஆய்வு மையப்படுத்தியுள்ளது. ஆய்விற்காக சமய மையங்களின் நிர்வாகிகள் மற்றும் வரலாற்று ஆய்வாளர்களுடனான நேர்காணல்கள் மூலம் முதன்மைத் தரவுகளும், நூல்கள், ஆய்வுச் சஞ்சிகைகள், பத்திரிகைகள் மற்றும் வரலாற்று ஆவணங்கள் மூலம் இரண்டாம் நிலைத் தரவுகளும் சேகரிக்கப்பட்டன. சேகரிக்கப்பட்ட தரவுகள் தொகுத்துணர் மற்றும் உள்ளடக்கப் பகுப்பாய்வு முறைகளில் எடுத்துரைக்கப்பட்டு, கோவா, வேளாங்கண்ணி போன்ற தெற்காசியாவின் சமயச் சுற்றுலா மாதிரிகளுடன் ஒப்பீட்டு அடிப்படையில் ஆராயப்பட்டுள்ளன. ஆய்வானது தங்குமிட வசதிகளைக் கருத்திற் கொண்டு யாழ்ப்பாண நகரத்தை மையப்படுத்தி, இரு நாட்களுக்கான சுற்றுலா மாதிரிப் பயணத்திட்டத்தைத் தரவு பகுப்பாய்வு அடிப்படையில் முன்வைக்கிறது. சுற்றுலாப் பயணிகள் இரண்டு நாட்களுக்கு தங்களது பார்வையிடங்களை தீர்மாணிக்கும் வகையில் குறித்த பயணத்திட்டமிடலில் இடங்களின் தெரிவுகள் மேற்கொள்ளப்பட்டுள்ளது. இதன்படி முதல் நாளில் 'சின்ன உரோம்' என்றழைக்கப்படும் சில்லாலை புனித யோசப்வாஸ் மரபுத்தலங்கள், பௌத்த, கத்தோலிக்க, சைவ சமயத் தலங்கள் அருகருகே அமைந்த மாதகல் முதல் கீரிமலை நகுலேஸ்வரன் ஆலயம் வரையிலான பகுதிகள், தொடர்ந்து பருத்தித்துறைத் திருத்தலங்கள், பவளக்கல்லால் நிர்மாணிக்கப்பட்ட மணற்காட்டின் ஒல்லாந்தர் கால கிறிஸ்தவ ஆலய இடிபாடுகள், கட்டைக்காடு புனித கப்பலேந்தி மாதா ஆலயம், செம்பியன்பற்று புனித பிலிப்பு நேரியார் ஆலயம், சுண்டிக்குளம் தேசிய பூங்காவுடன் இணைந்த புல்லாவெளி புனித செபஸ்தியார் ஆலயம் மற்றும் வட இலங்கையின் பழமையான கத்தோலிக்க ஆலயங்களில் ஒன்றான கிளாலி புனித யாகப்பர் ஆலயம் என்பன உள்ளடங்கும். இரண்டாவது நாளில் யாழ்ப்பாண குடாநாட்டுக்கு தெற்கே, பிரதான நிலப்பரப்பிலிருந்து கடலை நோக்கி நீண்டு செல்லும் ஒரு நீண்ட மணல் திட்டுப் பிரதேசமான மண்ணித்தயிலுள்ள புனித செபஸ்தியார் ஆலயம் மற்றும் 3500 ஆண்டுகள் பழமையான சோழர் காலக் கட்டடக் கலையின் பிரதிபலிப்பான ஆதி சிவன் கோயில், பாலைத்தீவு புனித அந்தோனியார் கடல் யாத்திரை மையம், நன்னீர்க் கிணறு கொண்ட சாட்டி சிந்தாத்திரை மாதா ஆலயம், அங்கிருந்து யாழ்ப்பாணக் கோட்டை, பொது நூலகம், அடைக்கல மாதா ஆலயம், புனித மாட்டினார் குருமடம், உரோமையக் கட்டடக் கலையின் பிரதிபலிப்பான புனித யாகப்பர் ஆலயம், மரியன்னைப் பேராலயம், கொழும்புத்துறை பெரிய குருமடம், பாஷையூர் புனித அந்தோனியார் ஆலயம், நாவலர் வீதியில் அமைந்துள்ள தொல்லியல் அருங்காட்சியகம், நல்லூர் கந்தசுவாமி கோயில் அடங்கிய நகர்ப்புற மரபுரிமை நிலப்பரப்பு எனச் சுற்றுலாப் பயணிகளின் வசதிக்கு ஏற்ப பணய இடங்களின் மாதிரித் திட்டம் வழங்கப்பட்டுள்ளது. யாழ்ப்பாணக் குடாநாட்டிற்கு ஆண்டுதோறும் வருகை தரும் சுமார் இரண்டு இலட்சத்திற்கும் அதிகமான சுற்றுலாப் பயணிகளை முறையாகக் கணக்கிடுவதற்கான துரித முயற்சிகள் மேற்கொள்ளப்படுதல், வடமாகாண சுற்றுலாத்துறை அலகில் யாழ்ப்பாண கிறிஸ்தவ மரபுரிமைத் தலங்களும் முழுமையாக இணைக்கப்படுதல், உள்ளூர் ஆண், பெண் இருபாலாருக்கும் சுற்றுலா வழிகாட்டிகளுக்கான பயிற்சிகள் வழங்கி வேலைவாய்ப்புகளை உருவாக்குதல், மரபுரிமைச் சின்னங்கள் பாதுகாப்பு வலயங்களாக்கப் பேணப்படுதல், உணவகங்கள், கைவினைப் பொருட்கள் மற்றும் போக்குவரத்துச் சேவைகள் மூலம் கிராமப்புற வாழ்வாதாரத்தை உயர்த்த உரிய நடைமுறைகளை முன்னெடுத்தல் என்பன ஆய்வின் பரிந்துரைகளாக முன்வைக்கப்பட்டுள்ளன. ஆய்வானது வரலாறு, பண்பாடு என்னும் அடிப்படையில் கிறிஸ்தவ சமயத் தலங்களை ஏனைய வரலாற்று மற்றும் இயற்கைச் சூழலுடன் ஒருங்கிணைத்து, வட இலங்கையின் பன்முகப் பண்பாட்டுத் தனித்துவத்தைப் பாதுகாக்கவும், சமய நல்லிணக்கத்தை வளர்க்கவும், பேண்தகு பொருண்மிய மேம்பாட்டிற்கு வழிகாட்டவும் உதவும்.

2026-01-01T00:00:00Z Mary Winifreeda, S. http://repo.lib.jfn.ac.lk/ujrr/handle/123456789/13188 2026-10-22T06:25:34Z 2026-01-01T00:00:00Z

Sacred Narratives and Gender: A Comparative Study of Mary Magdalene in the Lucan Gospel and Antal in Thiruppāvai Mary Winifreeda, S. While sacred texts convey religious history and ethics, they also provide rich material for interdisciplinary studies within public theology. This paper explores the gendered dimensions of prominent female figures through a comparative study of Mary Magdalene in the Gospel of Luke and Antal in the 9th-century CE Tamil Vaishnavite text, Thiruppavai. Utilizing qualitative textual, inter- textual, and intra-textual analysis alongside a historical-critical approach, this study investigates how both figures challenge patriarchal structures and traditional gender norms within Christian and Hindu traditions. The analysis illustrates how Antāl's intense devotional longing toward Lord Krishna and Mary Magdalene's deeply personal attachment to Jesus transcend conventional human love, transforming intimate emotion into a pathway toward mystical, divine union. Guided by the hermeneutics of gender and cultural sensitivity, the paper examines how these narratives subvert societal expectations and align personal devotion with cosmic purpose. The central hypothesis is that Mary Magdalene and Āntāl emerge as powerful personalities exemplifying spiritual authority and dignity. This carries profound relevance for Asia's multicultural and pluralistic context, where women's roles are frequently marginalized. By reshaping intimate human love into a vehicle for divine encounter, both figures offer essential frameworks for integrating gender-inclusive perspectives into contemporary Asian public theology. Ultimately, the study concludes that this comparative analysis inspires greater gender equality, mutual interfaith respect, and a robust theological foundation to resist marginalization, envisioning a more just and equitable society.

2026-01-01T00:00:00Z Dilaishikka, A. Mary Winifreeda, S. http://repo.lib.jfn.ac.lk/ujrr/handle/123456789/13056 2026-09-21T02:13:39Z 2026-01-01T00:00:00Z

மட்டக்களப்பு வாழைச்சேனைப் பிரதேசத்தின் சமூக நலப் பணிகளில் எமது சமூகம் என்னும் அமைப்பின் ஈடுபாடு: ஒரு சூழமைவு இறையியற் பார்வை (2020 - 2024) Dilaishikka, A.; Mary Winifreeda, S. சமகால சமூகக் கட்டமைப்பில் தனிமனித மற்றும் கூட்டு வாழ்வியல் என்பன பன்முக சவால்கள், கட்டமைக்கப்பட்ட நெருக்கடிகள் என்பவற்றுக்குள்ளாகிவருகின்றன. குறிப்பாக, இலங்கையின் கிழக்கு மாகாணத்திற்குட்பட்ட மட்டக்களப்பு மாவட்டத்தின் வாழைச்சேனைப் பிரதேசத்தில் நிலவும் பின்தங்கிய நிலையையும் இதற்கான எடுத்துக்காட்டாகக் குறிப்பிடலாம். இப்பிரதேசத்தில் வாழும் பொதுமக்களின் நிலையற்ற வருமான வழிகள், பொருளாதார நெருக்கடிகள், சமூகப் பிரச்சினைகள் குறித்த போதிய விழிப்புணர்வின்மை, கல்வி வாய்ப்புகளின்மை, போதிய சுகாதார உட்கட்டமைப்பு வசதிகளின்மை என்பன இச்சமூகத்தை ஆழமாகப் பதித்துள்ளது. இத்தகைய பின்னணியில் குறித்த பிரச்சினைகளுக்கான தீர்வுகளை அரசு முன்னெடுக்க வேண்டும். ஆயினும் இன்று வரையும் அது முழுமையானதொரு மக்கள் மையப் பணிகளை முன்னெடுக்காமையால், சமூக நல அமைப்புகள் பல தோன்றி பல்வேறு திட்டங்களையும் முன்னெடுத்து வருகின்றன. அவ்வாறே பின்தங்கிய நிலையிலுள்ள மக்களின் தேவைகளை நேரடியாகக் கண்டறிந்து நிவர்த்தி செய்யும் நோக்கில், மட்டக்களப்பு பிராந்தியத்தில் தோற்றம் பெற்ற ஒரு முக்கிய சமூக நல அமைப்பாக 'எமது சமூகம்' என்னும் அமைப்பு அடையாளப்படுத்தப்படுகின்றது. வாழைச்சேனைப் பிரதேசத்தில் 'எமது சமூகம்' அமைப்பானது நீண்ட காலமாக சமூக நலப் பணிகளை மேற்கொண்டு வருகின்ற போதிலும், இவ்வமைப்பினால்; மேற்கொள்ளப்படுகின்ற செயற்பாடுகள் மக்கள் மத்தியில் பிரபல்யம் அடையாமல் காணப்படுகின்றமையும் சூழமைவு இறையியற் பார்வையில் 'எமது சமூகம்' அமைப்பின் பங்களிப்புகள் பற்றி உற்றுநோக்கப்படாமையும் ஆய்வுத் தேடலுக்கு வித்திட்டுள்ளது. வாழைச்சேனைப் பிரதேசத்தில் 'எமது சமூகம்' அமைப்பினால் மேற்கொள்ளப்படும் சமூக நலப் பணிகளைக் கண்டறிந்து, அதனை கிறிஸ்தவ சூழமைவு இறையியல் பார்வையுடன் ஒப்பீடு செய்து 'எமது சமூகம்' அமைப்பினால் முன்னெடுக்கப்படும் செயற்திட்டங்களை மேம்படுத்துவதற்கான பரிந்துரைகளை முன்வைப்பதே இவ் ஆய்வின் பிரதாக நோக்கமாகும். 'எமது சமூகம்' அமைப்பின் இணைப்பாளர் அவர்களிடம் நேரடியான நேர்காணல் மூலம் பெறப்பட்ட தரவுகளையும், அமைப்பின் ஆண்டறிக்கை மூலம் பெறப்பட்ட தரவுகளையும் அடிப்படையாகக் கொண்டு உய்த்துணர் முறை மூலம் கிறிஸ்தவ சூழமைவு இறையியல் பார்வையில் விடயம் ஆராயப்பட்டு, பகுப்பாய்வுக்கு உட்படுத்தப்பட்டுள்ளது. மேலும் மக்களை மேம்படுத்துவதில் 'எமது சமூகம்' அமைப்பின் பங்களிப்புகளை கிறிஸ்தவ சூழமைவு இறையியல் கோட்பாடுகளுடன் ஒப்பீடு செய்து, விடயங்கள் தொகுக்கப்பட்டுள்ள. இதன்படி ஆய்வில் கிறிஸ்தவ சூழமைவு இறையியல் கோட்பாடுகள், மக்கள் சார்ந்த பிரச்சினைகள், 'எமது சமூகம்' அமைப்பு கல்வி, சுகாதாரம், வாழ்வாதாரம், கலாசாரம் போன்ற நான்கு துறைகளில் மேற்கொள்ளும் செயற்பாடுகளை ஆய்வு எடுத்துரைப்பதுடன், குறித்த அமைப்பானது எதிர்கொள்ளும் சவால்களும் அதற்கான பரிந்துரைகளும் ஆய்வில் அடையாளப்படுத்தப்பட்டுள்ளது. ஆய்வானது வாழைச்சேனைப் பிரதேச மக்களின் வாழ்வியலில் 'எமது சமூக' அமைப்பு ஏற்படுத்திய பிரதான வளர்ச்சி நிலைகளை எடுத்துரைக்கும் ஒரு வரலாற்று ஆவணப்பதிவாகவும் அமைந்துள்ளது.

2026-01-01T00:00:00Z Mary Helan Perera, G. Mary Winifreeda, S. http://repo.lib.jfn.ac.lk/ujrr/handle/123456789/13053 2026-09-21T02:10:38Z 2026-01-01T00:00:00Z

பள்ளிமுனைக் கிராமத்தின் 'சாந்த லூசியா' நாடகப் பாரம்பரியம்: ஒரு கலை வரலாற்றுப் பார்வை Mary Helan Perera, G.; Mary Winifreeda, S. பள்ளிமுனைக் கிராமத்தில் பாரம்பரியமாக மேடையேற்றப்பட்டு வரும் சாந்த லூசியா; நாடகம் ஈழத்துத் தமிழ்க் கத்தோலிக்கச் சமூகத்தின் சமய மற்றும் கலை மரபை ஒருங்கிணைக்கும் ஒரு தனித்துவமான நாடகக் கலை வடிவமாகும். சாந்த லூசியாவைப் பற்றிய பக்தி கத்தோலிக்கர்களிடையே பரவலாக இருந்தாலும் குறிப்பாக அவரைப் பற்றி எழுதப்பட்ட நாடக மரபின் தோற்றம், வளர்ச்சி, இலக்கிய நயம் மற்றும் சமூக புரிந்துணர்வு பற்றிய விடயங்களுக்கான ஆவணங்கள் அறியப்படாத நிலையிலுள்ளன. வாய்மொழி மரபில் உருவான முரண்பாடுகள் நாடகத்தின் வரலாற்றுத் தொடர்ச்சி மற்றும் கலைத்துவம் என்பவற்றைக் குறைவடையச் செய்து வரும் நிலையில், அதனை நிவர்த்தி செய்வதற்கான பிரதான முயற்சியாக இவ்வாய்வு அமைகின்றது. அதனடிப்படையில் ஆய்வானது சாந்த லூசியா நாடகப் பிரதியை ஆய்வுக்குட்படுத்தி, அதில் காணப்படும் சமூக மற்றும் கலைச் சிறப்புக்களை எடுத்துரைத்து, உள்ளூர் கலாசார அடையாளத்தில் இந்நாடகத்தின் மையத்தன்மையை எடுத்துரைப்பது பிரதான நோக்கமாகும். வாய்மொழிச் சான்றுகளை ஒழுங்குப்படுத்தி தெளிவான வரலாற்று புரிதலை வழங்குவதே இதன் துணை நோக்கமாகும். ஆய்வுக்கான தரவுகள் முதலாம் மற்றும் இரண்டாம் நிலை ஆதாரங்களின் முறையில் சேகரிக்கப்பட்டன. முதலாம் நிலை தரவாக நாடகத்தில் பங்கேற்ற கலைஞர்கள், அனுபவம் மிக்க பள்ளிமுனைக் கிராமத்து பெரியோர்களிடம் பெறப்பபட்ட நேர்காணல், பயிற்சி நிகழ்வுகளின் போது நேரடி அவதானிப்புகள் என்பன கள ஆய்வுகள் மூலம் இடம்பெற்றன. இரண்டாம் நிலை ஆதாரங்களாக திரு அவை செய்தித்தாள்கள், சஞ்சிகைகள், நூல்கள் போன்றவை பயன்படுத்தப்பட்டன. இவ்வாறு சேகரிக்கப்பட்ட தரவுகள் உய்த்துணர் மற்றும் வரலாற்று, கலாசார அணுகுமுறைகள் மூலம் தொகுக்கப்பட்டு பகுப்பாய்வுக்கு உட்படுத்தப்பட்டுள்ளன. ஆய்வின் மூலம் சாந்த லூசியா நாடகத்தின் தனித்துவச் சிறப்புக்கள் அடையாளம் காணப்பட்டுள்ளன. குறிப்பாக, நாடக ஆற்றுகையை பள்ளிமுனைக் கிராமத்தைச் சார்ந்த கனடிய கிறிஸ்தவர்கள் மட்டுமே நிகழ்த்துவது, பன்னிரு வயதிற்கு மேற்பட்ட பருவத்தினை அடைந்த பெண்கள் நாடகத்தில் நடிக்க அனுமதியின்மை மற்றும் நாடகத்திற்கான முழுப் பங்களிப்புக்களையும் ஆண்கள் மட்டுமே வழங்கலாம் என்ற தன்மையும் உள்ளன. அத்தோடு ஐந்து வருடங்களுக்கு ஒருமுறை கட்டாயம் நாடக ஏடு அவிழ்க்கப்பட்டு, மேடையேற்றப்படுதல் வேண்டும் என்னும் பாரம்பரியமும், பள்ளிமுனைக் கிராமத்தைப் பூர்வீகமாக கொண்ட குடியினர் மாத்திரமே சாந்த லூசியா நாடக ஏட்டினை பார்ப்பதற்கோ தொடுவதற்கோ உரிமையுடையவர்கள் என்னும் நடைமுறையும் உள்ளன. அத்தோடு நாடகத்தைப் பயிற்றுவிப்பதில் கனடிய இன றோச் குடும்பத்தின் சிறப்பான பங்களிப்பு, மற்றும் நாடகத்திற்கானதும் ஆற்றுகையாளர்களுக்குமான சட்டங்கள் என்னும் இன்னும் பல இறுக்கமான தனித்துவ அம்சங்களை ஆய்வு அடையாளம் கண்டுள்ளது. இவ்வகையில் சாந்த லூசியா நாடகமானது ஈழத்துத் தமிழ்க் கத்தோலிக்க நாடக வரலாற்றில் தனிவத்துவ சிறப்பிடத்தைக் கொண்டுள்ளது என்பதை ஆய்வு தெளிவு படுத்தியுள்ளது. ஆய்வானது சாந்த லூசியா நாடகத்தின் கதைக்களம், இலக்கிய அமைப்பு மற்றும் கலை அம்சங்களை விபரித்து அதன் தனித்துவத்தை வெளிப்படுத்துவதாக அமைகின்றது. ஈழத்து தமிழ் கத்தோலிக்கரின் கலை, இலக்கிய வரலாற்றில் தனித்துவமான சின்னமாகிய குறித்த நாடகத்தையும், அதன் பிரதியையும் குறித்த ஆய்வானது ஆவணப்படுத்துவதாக அமைகின்றது.

2026-01-01T00:00:00Z