http://repo.lib.jfn.ac.lk/ujrr/handle/123456789/8405 Tue, 07 Apr 2026 23:46:07 GMT 2026-04-07T23:46:07Z http://repo.lib.jfn.ac.lk/ujrr/handle/123456789/8452 Title: இலங்கையில் வெங்காயச் சந்தைப்படுத்தல் பற்றிய ஆய்வு Authors: Sivanathan, P. Abstract: இலங்கை மக்களின் நாளாந்த உணவுத் தேவையில் வெங்காயமும் ஒன்றாகும். இது சுவை உணவாகவும் மருத்துவ உணவாகவும் இருப்பதால் இதற்கான கேள்வி நிரந்தரமானதாகவுள்ளது. மக்கள் தொகை அதிகரிக்க இதற்கான கேள்வியும் அதிகரிக்கின்றது. இதனது விலையேற்றங்கள் மொத்தக் கேள்வியில் பெருமளவு வீழ்ச்சியை ஏற்படுத்துவதில்லை. இலங்கை மக்களின் நுகர்வுப் பழக்கத்தில் வெங்காயம் முக்கிய இடத்தைப் பெற்றிருப் பதால் இதை நிரம்பல் செய்யவேண்டிய தேவை அரசிற்கு உண்டு. இலங்கையின் வெங்காய உற்பத்தியானது மக்களின் வருட முழுவதற்குமான நுகர்வுக்குப் போதுமானதாக இல்லை என்று கூறுவதற் கில்லை. அதாவது பருவகாலங்களில் கிடைக்கின்ற வெங்காய நிரம்பல் சந்தையில் மிகையாகவும் விலைத்தளம்பலை உண்டுபண்ணுவதை கடந்த காலத் தரவுகள் காட்டுகின்றன. வெங்காய சந்தையில் உள்ள பிரச்சினை என்னவெனில் பருவகாலத்தில் கிடைக்கின்ற மேலதிக உற்பத்தியை எவ்வாறு வருடம் முழுவதற்குமான நுகர்வுக்குக் கிடைக்கக்கூடியதாக ஒதுக்கீடு செய் வது என்பதும், எவ்வாறு களஞ்சியப்படுத்துவது என்பதுமேயாகும். இது சாத்தியமாகும் பட்சத்தில் விலைத் தளம்பல், இறக்குமதி அளவு என்பவற் றில் பெரியளவான தாக்கத்தை ஏற்படுத்தலாம். வெங்காயத்தின் விலை, உற்பத்தி, சந்தைப்படுத்தல் ஒழுங்கு முறைகள், வெங்காய இறக்குமதிகள் போன்றன சந்தையில் உற்பத்தியாளர்கட்கு எத்தகைய விளைவை ஏற் படுத்தியுள்ளது. என்பதை ஆராய்வதே இக்கட்டுரையின் நோக்கமாகும். Thu, 01 Mar 1990 00:00:00 GMT http://repo.lib.jfn.ac.lk/ujrr/handle/123456789/8452 1990-03-01T00:00:00Z http://repo.lib.jfn.ac.lk/ujrr/handle/123456789/8451 Title: கிறிஸ்தவத் தமிழ் நாவல்களும் சமுதாய விழிப்புணர்வும் Authors: Chandrakanthan, A.J.V. Abstract: பதினாறாம் நூற்றாண்டின் ஆரம்பத்திலிருந்து தென்னாசிய நாடு களைத் தமது ஆதிக்கத்திற்குட்படுத்திவந்த மேற்கத்தேய அரசுகளின் அனுசரணையுடன் தமிழகத்தில் புகுந்த கிறிஸ்தவ சமயம், தமிழிலக்கி யத்தினது பரிமாண வளர்ச்சியில் குறிப்பிடத்தக்க அகற்சியை ஏற்படுத் தியுள்ளது. அகராதிகளை ஆக்குவது முதல், அம்மானைகளைப் பாடுவது ஈறாக, தமிழ் இலக்கண நூல்களை யாத்தலிலும், செந்தமிழ் காப்பியம் புனைதலிலும், நாட்டார் இலக்கிய வடிவங்களை நயம்பட வளர்த் தலிலும், மேலைத்தேய கிறிஸ்தவப் பாதிரிமார்களும், அவர்களைத் தொடர்ந்துவந்த, தமிழகக் கிறிஸ்தவ அறிஞர்களும் செப்பரும் பணியாற்றி யுள்ளனர் என்பது செந்தமிழ் இலக்கிய இலக்கண வரலாறு எடுத்தியம் பும் ஓர் உண்மை 1 இவர்களுள் சிலர் ''மறைவளர மொழி வளர்ப்போம்'' என்ற இலட்சியத்துடன் செயற்பட்டனரேயாயினும். பலர் தமிழ் மொழி மீது தாம் கொண்ட தணியாத நாட்டத்தினால் உந்தப்பட்டனர் என்ப தும் ஏற்கப்படக் கூடியதே. கடந்த கால் நூற்றாண்டுகால தமிழிலக்கிய வளர்ச்சியை ஆயும் போது, ஆங்கு நாவல் இலக்கியம் நயத்தகு நிலையில் வளர்ந்திருக்குமாற் றினை அவதானிக்கலாம். இக்கூற்று. ''கிறிஸ்தவ'' 2 நாவல் இலக்கியத்திற் கும் பொருந்துமெனக் கூறலாம். தமிழ் நாவல் இலக்கிய வரிசையிலே கிறிஸ்தவ நாவல்களூக்குத் தனிச்சிறப்பு உண்டு. இச்சிறப்பு, கிறிஸ்தவரல் லாத ஆய்வாளர்களினாலும், விமர்சகர்களினாலும் சுட்டிக் காட்டப்பட்டுள் ளது. 3 “கிறிஸ்தவ நாவல்'' என்று கூறும் போது அது கிறிஸ் தவர்களால் எழுதப்படுகின்ற நாவல்கள் மட்டுமே எனக்கொள்ளுதல் தவறானதாகும். கிறிஸ்தவரல்லாதவரும்கூட, கிறிஸ்தவ சமய விழுமியங்களை, கொள்கை களை, கோட்பாடுகளை உள்ளீடாகவைத்துச் சிறுகதைகளும், புனைகதை களும், நாவல்களும் யாத்திருக்கின்றனர். அவ்வாறே கிறிஸ்தவ நாவலாசிரி யர் பலர் தமது நாவல்களில் பிறசமயப் பெயர்கொண்ட பாத்திரங்ளை அச்சமயங்களின் ஆன்மீக மரபுகளுக்கேற்ப அழகுறத் தீட்டியுள்ளனர். Thu, 01 Mar 1990 00:00:00 GMT http://repo.lib.jfn.ac.lk/ujrr/handle/123456789/8451 1990-03-01T00:00:00Z http://repo.lib.jfn.ac.lk/ujrr/handle/123456789/8450 Title: இலங்கையின் அந்நியச் செலாவணி விகிதங்களின் போக்கு; (1978 - 1990) Authors: Kandhaiah, K. Abstract: "அந்நியச் செலாவணி என்ற சொற்றொடர் ஒரு நாட்டுச் செலா வணி நாணயத்திற்கு மற்றொரு நாட்டு நாணயம் மாற்றப்படும் முறைகள், அவ்வாறு மாற்றுவதற்குரிய காரணங்கள், எவ்வடிவத்தில் இம்மாறுதல்கள் நடைபெறுகின்றன என்ற விடயங்களை உள்ளடக்கியதாகவுள்ளது. இக்கட்டு ரையானது அந்நியச் செலாவணி விகிதம் பற்றிய பல்வேறு எண்ணக்கருக் களை விளக்கி, இலங்கையில் இவ்விகிதங்கள் எவ்வாறு அமைந்து உள்ளன என்பதனை விளக்குவ தனையே பிரதான நோக்கமாகக் கொண்டுள்ளது . அந்நியச் செலாவணி விகிதம் பற்றி பல்வேறுபட்ட எண்ணக்கருக்கள் உள்ளன. இவ் வேறுபட்ட எண்ணக்கருக்கள் பற்றி தெளிவான விளக்கங்கள் அவசியமானவை. ஏனெனில் ஒவ்வொரு வீதங்களும் வெவ்வேறான கருத் துக்களை கவனத்தில் கொண்டு கணிக்கப்படுவதனால் இவை ஒவ்வொன்றும் வெவ்வேறு திசையில் அசைவுறக்கூடும். இவ்வாறான போக்குகளினால் நாட்டின் அந்நியச் செலாவணி வீதங்களின் போக்கு பற்றிய மதிப்பீடு ஒரு குழப்ப நிலையை ஏற்படுத்தக்கூடும். அந்நியச்செலாவணி வீதங்களில் பொதுவாக இக்கட்டுரை பெயரளவு நாணய மாற்று வீதம், நிறையளிக் கப்பட்ட பெயரளவு நாணய மாற்று வீதம், நிறையளிக்கப்பட்ட மெய் நாணயமாற்று வீதம், மெய்பயனுறுதி நாணய மாற்றுவீதம் என்பவை பற்றிய விளக்கங்களையே கவனத்தில் கொண்டுள்ளது. அந்நியச் செலாவணி வீதம் என்பது பற்றி பல்வேறுவகையான விளக்கங்கள் உண்டு. பொதுவாக இதனை ஒரு நாட்டு நாணயத்தின் விலை யினை இன்னொரு நாட்டு நாணயத்தின் பெறுமதியில் குறிப்பிடப்படுவது என வரைவிலக்கணப்படுத்தலாம். அதாவது இரு வேறுபட்ட நாணயங் களின் ஒப்பீட்டு ரீதியான விலையாகும். இந்த வீதத்தினை உள்நாட்டு நாணயத்தின் ஒரு அலகு நாணயத்திற்கு வேறு ஒரு நாட்டின் எத்தனை நாணய அலகுகள் சமம் என்பதை குறிப்பிடுவதாகும். மாறாக வேறோருநாட்டின் ஒரு நாணய அலகிற்கு எத்தனை உள்நாட்டு தாணய அலகுகள் சமம் எனவும் குறிப்பிடலாம். இவ்வாறான விகிதங்கள் இருபக்க செலா வணி மாற்று விகிதங்களாகவும் உத்தியோகபூர்வமாக வெளியிடப்படும் வீதங்களாகவும் காணப்படும். தனியாக ஒருநாடு இருபக்க பெயரளவு இவர் பொருளியல் துறைச் சிரேஷ்ட விரிவுரையாளர், இலங்கையின் பணத்திற்காக கேள்விபாறி மெய்ச்சான்று ரீதியான ஆய்வினைச் செய் துள்ளார் அத்துடன் இலங்கையின் பண நிரம்பல் விலைமட்டம் பண வீக்கம் ஆகியவற்றிற்கிடையேயுள்ள தொடர்பினை மதிப்பிட்டு ஓர் ஆய்வினை மேற் கொண்டுள்ளார். Thu, 01 Mar 1990 00:00:00 GMT http://repo.lib.jfn.ac.lk/ujrr/handle/123456789/8450 1990-03-01T00:00:00Z http://repo.lib.jfn.ac.lk/ujrr/handle/123456789/8449 Title: இந்திய - தென் கிழக்காசிய தொடர்புகளும் இந்துப் பண்பாடுபற்றிய சில பிரச்சினைகளும் - ஒரு வரலாற்றுக் குறிப்பு - Authors: Krishnarasa, S. Abstract: இன்றைய நிலையில் இந்தோசீன, இந்தோனேசிய நாடுகளுள் பெரும்பாலானவை இஸ்லாமியப் பண்பாட்டினைத் தழுவியவையாகவே உள் ளன இந்நாடுகள் முன்னொரு காலத்தில் இந்துப்பண்பாட்டினையும் தழுவி வளர்ச்சி பெற்றிருந்தமையை தொல்லியற் சான்றுகள் உறுதிப்படுத்துகின் றன. குறிப்பாக புர தன -மத்திய வாலாற்றுக் காலப்பகுதியில் இந் நாடு சளின் பண்பாட்டு வளர்ச்சியானது இந்துப் பண்பாட்டின் அடிப்படைகளைக் கொண்டிருந்தது. இப்பண்பாட்டுச் சூழல் இந்திய பெருநிலப் பரப்பிலிருந்து தென் கிழக்காகவுள்ள தீவக. தீவகக் குறை நிலப்பரப்புக்களுக்கு மேலாக காலத்துக்குக்காலம் பரந்து விரிந்து செல்வாக்கினை ஏற்படுத்தியிருந்தது. இச் செல்வாக்கினைச் சுட்டுவதற் தப் பொது வாக பரந்த இந்தியா, அல்லது அகன்ற இந்தியா என்ற பதங்களை இந்தியப் பண்பாட்டு வரலாற்று ஆசி ரியர்கள் பயன்படுத்துவர். இவ்வாறு பயன்படுத்தப்பட்டு வருகின்ற பதங் கள் இன்றைய நிலையில் தென்கிழக்காசியப் பண்பாடு பொறுத்து வலு இழந்து கொண்டிருக்கின்ற நிலையையும், தென் கிழக்காசிய வரலாற்றாசி ரியர்கள் அச்சொற்பதங்களைக் கையாளுகின்ற நிலையில் இருந்து விலகியுள்ளனர் என்பதனையும் இங்கு குறிப்பிடவேண்டியுள்ளது. இதுவே தற்காலப் பண்பாட்டு வரலாற்று நோக்கில் தென்கிழக்காசியா மீதான இந்துப் பண்பாட்டுச் செல்வாக்கினைப் பற்றிய சில பிரச்சினைகள் தோற் றம் பெறுவதற்குக் காரணமாகியது. Thu, 01 Mar 1990 00:00:00 GMT http://repo.lib.jfn.ac.lk/ujrr/handle/123456789/8449 1990-03-01T00:00:00Z