DSpace Collection:

Adaptation and Validation of a Self-Directed Learning Readiness Scale for Advanced Level Students in Sri Lanka: SL-SDLRS-AL

2026-06-30T03:11:07Z

Title: Adaptation and Validation of a Self-Directed Learning Readiness Scale for Advanced Level Students in Sri Lanka: SL-SDLRS-AL Authors: Piratheeban, K.; Bandara, L.M.K. Abstract: This study aimed to adapt and validate a contextually relevant Self- Directed Learning Readiness scale (SDLRS) for advanced-level students in Sri Lanka. Drawing from three widely recognized SDLRSs: SDLRSNE (Fisher et al., 2001), SRSSDL (Williamson, 2007), and DSVS- SDLR (Dulloo et al., 2023), a 46- item preliminary scale was developed, encompassing five dimensions: Awareness, Learning Strategies and Styles, Motivation, Team Building, and Evaluation. Content validity was established through a two-round Delphi process. In Round One, 14 experts evaluated the items, resulting in the exclusion of one item for failing to reach the 80% consensus threshold and 14 items based on qualitative feedback. In Round Two, eight experts assessed the remaining 31 items for relevance and clarity. Item. I-CVI were calculated by dividing the number of experts rating an item as relevant by the total number of experts, with a threshold of ≥ 0.78. All items met this threshold, achieving an I-CVI of 1.00. The S-CVI was S- CVI/Ave = 1.00 and S-CVI/UA = 1.00, confirming excellent content validity. Consensus was achieved as all experts independently rated the items as relevant, with no re-rating required. Subsequently, a pilot study was conducted with 64 students from five academic streams across two educational zones in the Northern Province of Sri Lanka. The preliminary 31-item scale demonstrated strong internal consistency (α = .848). Two items were removed due to item-total correlations below 0.30, resulting in a finalized 29-item scale, which maintained strong internal consistency (α = .853). Construct validity was initially evaluated using item-total correlations as a preliminary check, with all retained items exceeding the 0.30 threshold, indicating acceptable alignment with their respective dimensions. These findings support the SL-SDLRS-AL as a valid and reliable tool for assessing SDLR among advanced-level students in Sri Lanka. The instrument offers practical implications for educators and researchers aiming to enhance autonomous learning capabilities in advanced-level education.

கற்பித்தல் பணிச்சுமை குறித்த ஆசிரியர்களின் புலக்காட்சியில் கலப்புக்கற்பித்தல் திறன்களின் செல்வாக்கு

2026-02-17T04:25:30Z

Title: கற்பித்தல் பணிச்சுமை குறித்த ஆசிரியர்களின் புலக்காட்சியில் கலப்புக்கற்பித்தல் திறன்களின் செல்வாக்கு Authors: Dinojan, N.; Piratheeban, K. Abstract: நவீன தொழில்நுட்ப வளர்ச்சியினால் உலகளாவிய ரீதியில் கலப்புக்கற்பித்தலின் தேவைப்பாடு அதிகரித்துள்ள நிலையில் கற்பித்தல் பணிச்சுமை குறித்த ஆசிரியர்களின் புலக்காட்சியில் கலப்புக் கற்பித்தல் திறன்களின் செல்வாக்கினை ஆராயும் நோக்கில் இந்த ஆய்வானது அளவறி அணுகுமுறையில் அமைந்த குறுக்கு வெட்டு அளவைநிலை ஆய்வாக மேற்கொள்ளப்பட்டுள்ளது. கிளிநொச்சி மாவட்டத்தில் இடைநிலைப்பிரிவிற்கு விஞ்ஞான பாடத்தைக் கற்பிக்கின்ற, தொகை மாதிரியெடுப்பு முறையில் தெரிவுசெய்யப்பட்ட 118 ஆசிரியர்களிடமிருந்து கட்டமைக்கப்பட்ட வினாக்கொத்தைப் பயன்படுத்தித் தரவு சேகரிக்கப்பட்டது (a= .78). கிடைக்கப்பெற்ற 106 (89.8%) ஆசிரியர்களின் தரவுகள் விபரண மற்றும் அனுமானப் புள்ளிவிபரவியல் நுட்பங்களைப் பயன்படுத்திப் பகுப்பாய்வு செய்யப்பட்டன. ஆசிரியர்களின் கற்பித்தல் பணிச்சுமை குறித்த புலக்காட்சியானது ஆசிரியர்களிடம் உயர்ந்த நிலையில் (M= 3.70, SD= .37) காணப்படுகின்ற அதே வேளையில் குடிசார் மாறிகள் செல்வாக்குச் செலுத்தவில்லை என்பதும் நிகழ்நிலைப் பிரயோகம், தகவல் பரிமாற்றம், கலப்புக்கற்பித்தல் பயிற்சி என்பன செல்வாக்குச் செலுத்தாத போதிலும் விடய முன்னறிவானது செல்வாக்குச் செலுத்துகின்றது என்பதும் இவ் ஆய்வின்மூலம் வெளிப்படுத்தப்பட்டுள்ளது. கலப்புக் கற்பித்தலை மேற்கொள்ளத் தேவையான கலப்புக் கற்பித்தல் திறன்களை ஆசிரியர்கள் உயர்ந்தளவில் (M= 3.70, SD= .29) கொண்டிருப்பதுடன் குடிசார் மாறிகளில்; ஆசிரியரின் கல்வித் தகைமை (F= 4.35, p= .015) மாத்திரமே அவர்களின் கலப்புக் கற்பித்தல் திறன்களில் செல்வாக்குச் செலுத்துவதும் இவ் ஆய்வில் கண்டறியப்பட்டுள்ளது. மேலும் ஆசிரியர்களின் கலப்புக்கற்பித்தல் திறன்கள் அவர்களின் கற்பித்தல் பணிச்சுமை குறித்த புலக்காட்சியில் (R2= .185, F(1,104)=23.59, p <.01) பொருண்மையானவகையில் 18.5% நேரான தாக்கத்தைச் செலுத்துவதுடன் தொழில்நுட்பத்திறன் அதிகளவில் தாக்கம் செலுத்துவதும் இவ்வாய்வின் மூலம் வெளிப்படுத்தப்பட்டுள்ளது. அந்த வகையில் ஆசிரியர்களிடத்தில் கலப்புக்கற்பித்தல் திறன்களினை மேம்படுத்துவதற்குப் பொருத்தமான நடவடிக்கைகளை மேற்கொள்ள வேண்டியதன் அவசியத்தை இவ்வாய்வானது பரிந்துரை செய்கின்றது.

கனிஸ்ட இடைநிலைப்பிரிவு மாணவர்களின் விஞ்ஞான மனப்பாங்கில் குடிசார் மாறிகளின் செல்வாக்கு

2026-01-13T07:43:18Z

Title: கனிஸ்ட இடைநிலைப்பிரிவு மாணவர்களின் விஞ்ஞான மனப்பாங்கில் குடிசார் மாறிகளின் செல்வாக்கு Authors: Romina, M.A.; Piratheeban, K. Abstract: விஞ்ஞானக் கல்வியில் மாணவர்களின் ஈடுபாடு மற்றும் வெற்றியை நிர்ணயிக்கும் ஒரு முக்கிய காரணியாக விஞ்ஞான மனப்பாங்கு உள்ளது. இந்த ஆய்வு, கனிஸ்ட இடைநிலைப் பிரிவு மாணவர்களின் விஞ்ஞான மனப்பாங்கு விருத்தி நிலையில் பால்நிலை மற்றும் கற்கும் தர நிலையின் செல்வாக்கினை ஆராய்கிறது. இந்த இரண்டு காரணிகளின் அடிப்படையில், கனிஸ்ட இடைநிலைப்பிரிவு மாணவர்களின் விஞ்ஞான மனப்பாங்கு விருத்தியின் நிலையை மதிப்பிடுவதற்காக, அளவறி அணுகுமுறையில் அமைந்த குறுக்குவெட்டு ஆய்வு வடிவமைப்பில் இந்த ஆய்வு மேற்கொள்ளப்பட்டுள்ளது. மடுக் கல்விக் கோட்டத்தில் ஆய்வுக்காக தெரிவு செய்யப்பட்ட பாடசாலைகள், அவற்றின் வகை அடிப்படையில் படைகளாக்கப்பட்டு ஒன்பது பாடசாலைகள் தெரிவு செய்யப்பட்டன. அப் பாடசாலைகளில் கனிஸ்ட இடைநிலைப் பிரிவில் கல்வி கற்கும் 1084 மாணவர்களுள் 287 மாணவர்கள் பாலினை அடிப்படையாகக் கொண்ட விகிதாசார அடிப்படையிலான படைகொண்ட எழுமாற்று மாதிரியெடுப்பினூடாகத் தெரிவு செய்யப்பட்டனர். அவர்களிடமிருந்து மூன்று பகுதிகளில் மூடிய வகை வினாக்களை மாத்திரம் கொண்ட வினாக்கொத்து பயன்படுத்தப்பட்டு தரவு சேகரிக்கப்பட்டது. வினாக்கொத்தின் நம்பகமானது Cronbach's Alpha மூலமும் (α = .745) தகுதியானது Pearson இன் உருப்படி - மொத்த இணைபு முறை மூலமும் தீர்மானிக்கப்பட்டது. சேகரிக்கப்பட்ட தரவுகள் விபரணப் புள்ளிவிபரவியல் நுட்பங்களான இடை மற்றும் நியம விலகல் போன்றவற்றையும் அனுமானப் புள்ளிவிபரவியல் நுட்பங்களான Mann Whitney U test மற்றும் Krushkal Wallis H test போன்றவற்றை பயன்படுத்தியும் பகுப்பாய்வு செய்யப்பட்டது. மாணவர்களின் விஞ்ஞான மனப்பாங்கு விருத்தி நிலையில் பால்நிலையானது பொருண்மையான வேறுபாட்டைக் காட்டியது (U=5453> Z=7.048> p=.000). பெண் மாணவர்களுடன் ஒப்பிடுகையில் (M=3.673> SD= .4590) ஆண் மாணவர்களின் விஞ்ஞான மனப்பாங்கு விருத்தி நிலை (M=3.276> SD= .3881) குறைவாக காணப்படுகின்றமை கண்டறியப்பட்டுள்ளது. அதே போன்று மாணவர்களின் கற்கும் தரமும் விஞ்ஞான மனப்பாங்கு விருத்தி நிலையில் பொருண்மையான வேறுபாட்டைக் காட்டியது (H=41.081> p=.000). அவ் வேறுபாடானது தரம் 06 (M=3.6375> SD= .5227) மற்றும் தரம் 07 (M=3.6156> SD= .5643) மாணவர்களுடன் ஒப்பிடும் போது தரம் 08 (M=3.2903> SD= .3324) மற்றும் தரம் 09 (M=3.2903> SD= .2954) மாணவர்களின் விஞ்ஞான மனப்பாங்கு விருத்திநிலை குறைவாக காணப்படுகின்றமை கண்டறியப்பட்டுள்ளது. பால்நிலை மற்றும் கற்கும் தர நிலை போன்றவை விஞ்ஞான மனப்பாங்கு விருத்தி நிலையில் காட்டும் வேறுபாட்டிற்கான காரணங்கள் கண்டறியப்படுவதன் மூலம் மாணவர்களிடையே விஞ்ஞான மனப்பாங்கை ஊக்குவிப்பதற்கான உகந்த நடவடிக்கைகளை மேற்கொள்ள முடியும்.

உயிரியல் விஞ்ஞானப் பிரிவு மாணவர்களின் கற்றல் அடைவில் குடிசார் மாறிகளின் செல்வாக்கு

2026-01-13T07:29:15Z

Title: உயிரியல் விஞ்ஞானப் பிரிவு மாணவர்களின் கற்றல் அடைவில் குடிசார் மாறிகளின் செல்வாக்கு Authors: Lavanja, S.; Piratheeban, K. Abstract: கற்றல் அடைவு என்பது கல்விச் சூழல்களில் ஒரு நபர் குறிப்பிட்ட இலக்குகளை எந்த அளவுக்கு அடைந்திருக்கின்றார் என்பதைக் குறிக்கும் செயல்திறன் விளைவாகும். இலங்கையில் கல்விப் பொதுத்தர உயர்தரப் பரீட்சையானது பல்கலைக்கழகங்கள், வேறு உயர்கல்வி நிறுவனங்கள், கல்வியியல் கல்லூரிகள் என்பவற்றிற்குத் தெரிவு செய்வதற்கு, இப்பரீட்சையின் பெறுபேறு அடிப்படையாகக் கொள்ளப்படுகின்றது. மாணவர்களின் எதிர்காலம் தொடர்பான தீர்க்கமான முடிவுகளை எடுக்க வேண்டிய இப் பரீட்சைப் பெறுபேறுகளில் பல்வேறுபட்ட காரணிகள் செல்வாக்குச் செலுத்துகின்றன. இவை ஆராயப்பட வேண்டியது அவசியமாகும். எனவே உயிரியல் விஞ்ஞானப் பிரிவு மாணவர்களின் கற்றல் அடைவின் தற்போதைய நிலையை கண்டறிதல் மற்றும் உயிரியல் விஞ்ஞானப் பிரிவு மாணவர்களின் கற்றல் அடைவில் குடிசார் மாறிகளின் செல்வாக்கை ஆராய்வதை நோக்காகக் கொண்டு இவ் ஆய்வானது அளவறி அணுகுமுறையில் அமைந்த குறுக்குவெட்டு ஆய்வு வடிவமைப்பில் மேற்கொள்ளப்பட்டுள்ளது. கிளிநொச்சி தெற்கு கல்வி வலய கரைச்சிக் கோட்டத்தில் தரம் 13 உயிரியல் விஞ்ஞானப் பிரிவில் கல்வி கற்கும் 167 மாணவர்கள் ஆய்வுக் குடித்தொகையாகக் கொள்ளப்பட்டு அவர்களில் இருந்து பால் அடிப்படையிலான விகிதாசார படைகொண்ட எழுமாற்று மாதிரியெடுப்பு நுட்பத்தின் மூலம் 117 மாணவர்கள் ஆய்வுக்கான மாதிரியாகத் தெரிவு செய்யப்பட்டு அவர்களிடமிருந்து தரவு சேகரிப்பதற்காக முதலாம் நிலைத் தரவு மூலமாக மூடிய வகை வினாக்கொத்தும் இரண்டாம் நிலைத் தரவு மூலமாக பாடசாலை புள்ளிப்பதிவேடும் பயன்படுத்தப்பட்டு சேகரிக்கப்பட்ட தரவுகள் விபரணப் பகுப்பாய்வு நுட்பங்களான இடை மற்றும் நியம விலகல் மூலமும் அனுமானப் பகுப்பாய்வு நுட்பங்களான Mann-Whitney U சோதனை மற்றும் Kruskal Wallis H சோதனை மூலமும் பகுப்பாய்வு செய்யப்பட்டு பெறப்பட்ட முடிவுகள் வியாக்கியானம் செய்யப்பட்டன. மாணவர்களுடைய தற்போதைய கற்றல் அடைவானது சாதாரண சித்தி நிலையிலே உள்ளமை இவ் ஆய்வின் மூலம் வெளிப்படுத்தப்பட்டுள்ளது. (M= 42.49 >SD= 15.69) எனினும் ஆண் மாணவர்களின் கற்றல் அடைவுகளுடன் ஒப்பிடுகையில்(M= 44.21 >SD= 17.06) பெண் மாணவர்களின் கற்றல் அடைவானது குறைவாக உள்ளமை அவதானிக்கப்பட்டுள்ளது. கற்றல் அடைவில் பாலினம் (U = 1349.5> p = .522) மற்றும் குடும்ப அங்கத்தவர் எண்ணிக்கையானது (H = 1.969> p = .579) செல்வாக்கு செலுத்தவில்லை என்பது இவ் ஆய்வின் மூலம் வெளிப்படுத்தப்பட்டுள்ளது. எனவே உயிரியல் விஞ்ஞானப் பிரிவு மாணவர்களின் கற்றல் அடைவில் செல்வாக்கு செலுத்துகின்ற ஏனைய குடிசார் மாறிகள் மற்றும் ஏனைய காரணிகள் தொடர்பில் மேலதிக ஆய்வுகள் மேற்கொள்ளப்பட வேண்டும்.